medium

thumbnail

small

custom-size

Gary Martin gengur til liðs við Víking Ólafsvík

large

1536x1536

2048x2048

Grásleppuveiðidögum fjölgað

Fjölmenningarþema í Heiðarskóla

Toska fríkar út á morgun

ÓH verktakar sjá um fiskmarkaðinn á Akranesi

Mokafli eftir hrygningarstopp

core/freeform

Guðmundur Ingi Guðbrandsson, umhverfis- og auðlindaráðherra, og Þórdís Kolbrún R Gylfadóttir, ferðamála-, iðnaðar- og nýsköpunarráðherra greindu í gær frá úthlutun ársins úr Framkvæmdasjóði ferðamannastaða og Landsáætlun um uppbyggingu innviða. Fjármununum er úthlutað til uppbyggingu innviða, náttúruverndar og annarra verkefna á ferðamannastöðum árið 2021. Úthlutað var 764 milljónum króna úr Landsáætlun um uppbyggingu innviða og 807 milljónum úr Framkvæmdasjóði ferðamannastaða, sem er 200 milljónum meira en á síðasta ári. Á síðasta ári var sett met í umfangi framkvæmda á ferðamannastöðum vegna sérstaks fjárfestingarátaks ríkisstjórnarinnar vegna Covid-19 faraldursins sem opnaði fyrir að flýta framkvæmdum.

Alls bættust 85 ný verkefni við Landsáætlun en þar er gert ráð fyrir rúmlega 2,6 milljarða króna framlagi til þriggja ára, sem mun renna til verkefnaáætlunar Landsáætlunar um uppbyggingu innviða 2021-2023. Úr Framkvæmdasjóði ferðamannastaða voru veittar 807 milljónir króna til 54 verkefna og alls voru 17 verkefni sem fengu styrk fyrir meira en 20 milljónir króna.

<em>Eftirtalin verkefni á Vesturlandi fengu styrk úr Framkvæmdasjóði ferðamannastaða:</em>
<ul>
 	<li>Eiríksstaðir í Dölum hlaut styrk að upphæð 4,47 milljónir króna til að laga salernisaðstöðu og bæta aðgengi og auka öryggi gesta. Þar eru áform um að taka upp stíga og hlaða aftur, bæta við stíga og hleðslur, lagfæra brýr og salernisaðstöðu.</li>
 	<li>Súgandisey í Stykkishólmi hlaut styrk að upphæð 24,95 milljónir króna til deiliskipulagsgerð sem mun tryggja heilstæða sýn á þróun eyjunnar. Samhliða skipulagsáætlun verður unnið að útsýnissvæði í samræmi við vinningstillögu úr samkeppni, sem var haldin í samvinnu við Félag íslenskra landslagsarkitekta, og veitt framkvæmdaleyfi á útsýnisskúlptúrinn Fjöreggið að áætlun lokinni.</li>
 	<li>Svæðisgarðurinn Snæfellsnes hlaut styrk að upphæð 11,20 milljónir til að samræma skipulag og hönnun á sameiginlegu neti útivistarleiða um Snæfellsnes og festa slíka leið í sessi í skipulagi.</li>
 	<li>Svöðufoss vestan við Ólafsvík fékk úthlutað styrk að upphæð 41,72 milljónir króna til að bæta aðgengi fyrir alla að fossinum með að leggja göngustíga, setja göngubrú yfir Laxá og setja upp útsýnispall við fossinn.</li>
 	<li>Arnarstapi á Snæfellsnesi hlaut styrk að upphæð 19 milljónir til að bæta aðkomu og umhverfi við Bárð Snæfellsás.</li>
 	<li>Skálholti í Skorradal var úthlutað styrk að upphæð 0,4 milljónir til að endurnýja stikur, hlaða vörður, bæta upplýsingaskilti, prílur og vegpresta svo hægt sé að stýra ágangi.</li>
</ul>
<em>Eftirtalin verkefni á Vesturlandi fengu styrk úr Landsáætlun um uppbyggingu innviða:</em>
<ul>
 	<li>Ólafsdalur í Gilsfirði hlaut styrk að upphæð 46,07 milljónir fyrir uppbyggingu innviða fyrir ferðamenn.</li>
 	<li>Búðanes og Hjallatangi í Stykkishólmi hlaut styrk að upphæð 3,46 milljónir króna fyrir hönnun svæðisins.</li>
 	<li>Þjóðgarðurinn Snæfellsjökull hlaut styrki fyrir ýmis verkefni: 15 milljónir í Skarðsvík fyrir stækkun og malbikun bílastæða. 10 milljónir fyrir móttöku og áningarstað við Saxhól. 2,26 milljónir fyrir skilti og merkingar við Jökulháls. 9,60 milljónir fyrir umbætur á gönguleiðakerfi þjóðgarðsins, fjölgun leiða og bættar merkinga í Þjóðgarðinum. 20 milljónir fyrir nýja hringleið við Djúpalónssand, endurnýjun skilta, fræðslu, leiðbeiningar, skiltavegg og tvo hlaðna útsýnispalla við gönguleið. 12 milljónir fyrir lagfæringu og viðhald á göngustíg milli Djúpalónssands og Dritvíkur og hlaðin stíg að hluta. 12,56 milljónir fyrir stækkun bílastæðis, göngustíga og tengingar við Svaðilþúfu. 27 milljónir fyrir áningar og afþreyingu og útsýnispall við Malarrif.</li>
 	<li>Arnarstapi/Hellnar á Snæfellsnesi fengu styrk að upphæð 30 milljónir króna fyrir deiliskipulag, endurbætur og göngustíg, tvo útsýnispalla og útsýnisstíg.</li>
 	<li>Búðir – friðland á Snæfellsnesi hlaut styrk að upphæð 8,18 milljónir fyrir aðkomusvæði og göngustíga.</li>
 	<li>Eldborg í Hnappadal hlaut styrk að upphæð 24,50 milljónir fyrir hönnun og framkvæmdir við bílastæði, göngubrú yfir Kaldá og merkingar.</li>
 	<li>Glanni og Paradísarlaut í Norðurárdal í Borgarfirði fengu úthlutað 2,8 milljónum króna fyrir lokafrágang á svæðinu.</li>
 	<li>Hraunfossar, Barnafoss í Hálsasveit í Borgarfirði var úthlutað styrk að upphæð 7,10 milljónir króna fyrir deiliskipulag og hönnun svæðisins.</li>
 	<li>Surtshellir í Hallmundarhrauni fékk styrk að upphæð 1,64 milljónir króna til að bæta merkingar.</li>
</ul>

Úthlutun úr Framkvæmdasjóði og Landsáætlun