Dr. Stefan Wendt.

Ráðinn forseti viðskiptadeildar Háskólans á Bifröst

Dr. Stefan Wendt hefur verið ráðinn deildarforseti viðskiptadeildar Háskólans á Bifröst. Stefan er með meistarapróf í viðskiptafræði frá háskólanum í Bamberg í Þýskalandi og lauk doktorsprófum frá sama skóla árin 2010 og 2017. Hann starfaði við rannsóknir og kennslu við háskólann í Bamberg frá 2005-2015 en hefur síðan starfað við Háskólann í Reykjavík. Hann er nú dósent og forstöðumaður meistaranáms í viðskiptafræði þar.

Rannsóknir dr. Stefans hafa einkum verið á sviði fjármála fyrirtækja og fjármálamarkaða. „Stefan Wendt tekur til starfa í sumar og býður Háskólinn á Bifröst hann velkominn í sínar raðir,“ segir í tilkynningu frá skólanum.

Líkar þetta

Fleiri fréttir