Júlíus Þór og Þórdís Sif undirrita samning um kaup Borgarbyggðar á einni íbúð.

Samstarf um óhagnaðardrifið íbúðarhúsnæði í Borgarnesi

Borgarbyggð og byggingarfyrirtækið Hoffell ehf. undirrituðu á síðasta ári viljayfirlýsingu vegna samstarfs um óhagnaðardrifið íbúðarhúsnæði. Byggðarráð og sveitarstjórn lýstu formlega yfir vilja til samstarfs í apríl síðastliðnum og skuldbundu sig til þess að kaupa eina íbúð af átta. Forsaga málsins er að Hoffell ehf. hyggst setja á stofn óhagnaðardrifið leigufélag sem byggir og leigir út íbúðir á lóðinni Brákarsundi 5 og í framhaldi Brákarsundi 1-3, alls átta íbúðir.

„Markmið samstarfsins er að styðja við frekari uppbyggingu á leiguíbúðum í sveitarfélaginu og er því ánægjulegt að greina frá því að í febrúar síðastliðnum undirrituðu Þórdís Sif Sigurðardóttir, sveitarstjóri og Júlíus Þór Júlíusson, f.h. Hoffell ehf., kaupsamning um kaup á íbúð í umræddum íbúðakjarna. Fyrirhugað er að hefja framkvæmdir á komandi vikum og áætluð verklok eru fyrir árslok 2021,“ segir í tilkynningu frá Borgarbyggð.

Líkar þetta

Fleiri fréttir