Riðuveiki greind í Vatnsneshólfi í Húnaþingi vestra

Riðuveiki hefur verið greind í kind á bænum Vatnshóli í Húnaþingi vestra, en á bænum eru um 925 fjár. „Bóndinn hafði samband við Matvælastofnun sem tók sýni úr kindinni og sendi á Tilraunastöð Háskóla Íslands að Keldum þar sem riðuveiki var staðfest,“ segir á vef Matvælastofnunar. Vatnshóll er í Vatnsneshólfi en í hólfinu hefur einu sinni greinst riða undanfarin tuttugu ár, en það var árið 2015. Þar áður greindist riða á bænum Vatnshóli árið 1999. Samkvæmt Matvælastofnun er ekki talið að þetta tilfelli tengist riðutilfellum í Tröllaskagahólfi, þar sem riða var greind á fimm bæjum fyrir áramót. Matvælastofnun vinnur nú að öflun upplýsinga og undirbúningi aðgerða.

Líkar þetta

Fleiri fréttir