Hér er mynd úr safni Skessuhorns frá keppni í Vesturlandsdeildinni. Berglind Ragnarsdóttir á Óm frá Brimilsvöllum. Berglind er ekki meðal keppenda að þessu sinni.

Ráslisti fyrir keppni í Vesturlandsdeildinni sem hefst í kvöld

Vesturlandsdeildin í hestaíþróttum hefst í kvöld klukkan 19 með keppni í fjórgangi. Keppt verður í Faxaborg í Borgarnesi. Mótið varð endasleppt í fyrra vegna Covid-19, en þá var einmitt keppt í fjórgangi, áður en stöðva varð mótið vegna sóttvarnareglna. Áhorfendum gefst ekki kostur á að fylgjast með mótinu á staðnum í kvöld, en því verður streymt í beinni útsendingu á streymisveitunni Alendis; https://www.alendis.tv/alendis

Dagskrá Vesturlandsdeildarinnar verður nokkuð þétt, en lýkur 30. apríl. Föstudaginn 26. febrúar verður keppt í fjórgangi, 12. mars í slaktaumatölti, 25. mars í gæðingafimi, 15. apríl í fimmgangi og 30. apríl í tölti og skeiði. Sex lið taka þátt í mótinu að þessu sinni; Stelpurnar í Slippfélaginu og Kerckhaert skeifna, Hestaland, Laxárholt, Söðulsholt, Skáney / Fagerlund og Skipanes / Steinsholt.

Meðfylgjandi er ráslisti fyrir kvöldið. Keppendur eru 18 talsins frá sex liðum. Benedikt Þór Kristjánsson úr Dreyra ríður á vaðið og svo fylgir hver keppandininn á fætur öðrum en Linda Rún Pétursdóttir úr Borgirðingi verður síðust í braut.

 

Líkar þetta

Fleiri fréttir