Rýmka samkomutakmarkanir á morgun

Samkomutakmarkanir verða rýmkaðar frá og með morgundeginum, 24. febrúar. Fjöldatakmarkanir fara úr 20 manns í 50 með ákveðnum undantekningum. Heimilt verður að taka á móti 200 viðskiptavinum í einu í verslunum, á söfnum, í kirkjum og á tiltekna viðburði, að uppfylltum skilyrðum um fermetrafjölda. Áfram gildir tveggja metra reglan og grímuskylda. 200 manns mega vera viðstaddir sitjandi athafnir trú- og lífsskoðunarfélaga, sviðslistar,- menningar- og íþróttaviðburði, ráðstefnur, fyrirlestra og sambærilega viðburði að uppfylltum skilyrðum. Nándarmörk milli ótengdar aðila er einn metri, að uppfylltum skilyrðum. Gestir mega ekki sitja andspænis hvor öðrum nema meira en tveir metrar séu á milli. Skrá þarf þáttöku allra gesta þar sem fram kemur nafn, kennitala og símanúmer. Allir skulu bera grímu. Hlé á sýningum verða heimil en áfengisveitingar og áfengissala verður óheimil á viðburðum og koma skal í veg fyrir hópamyndanir fyrir og aftir viðburði og í hléi. Ef ekki er hægt að uppfylla öll skilyrðin gildir reglan um 50 manna hámarksfjölda.

Á íþróttaviðburðum verður heimilt að hafa allt að 200 áhorfendur í sæti, séu öll skilyrði hér að framan uppfyllt. Ef áhorfendur eru standandi gildir 50 manna hámarksfjöldi. Sund- og baðstaðir mega taka á móti 75% af leyfilegum hámarksfjölda. Heilsu- og líkamsræktarstöðvar megar ennig taka á móti 75% af leyfilegum hámarksfjölda en í hverju rými mega að hámarki vera 50 manns. Heimilt er að taka á móti 75% hámarksfjölda af móttökugetu skíðasvæða. Á veitingastöðum með áfengisveitingar er leyfilegur hámarksfjöldi í rými 50 manns og heimilt er að taka á móti viðskiptavinum til kl. 22:00 en allir skulu vera farnir kl. 23:00.

Reglur í skólum

Í skólum verður heimilaður hámarksfjöldi nemenda 150 í hverju rými og blöndun milli sóttvarnarhólfa heimil á öllum skólastigum. Nándarmörk skulu vera einn metri í stað tveggja og gildi það um bæði nemendur og starfsfólk. Ef ekki er unnt að virði eins metra nándarmörk skal bera grímu. Foreldrum, aðstandendum og öðrum utanaðkomandi verður nú heimilt að koma inn í skólabyggingar á öllum skólastigum nema háskólastigi, að uppfylltum reglum um sóttvarnir. Eins og verið hefur gilda engar fjöldatakmarkanir um nemendur í leikskólum og eru þeir undanskildir reglum um fjarlægðarmörk og grímunotkun. Í grunnskólum verður heimilt að hafa 150 nemendur saman í rými en eins og áður eru nemendur í grunnskóla undanskildir reglum um fjarlægðarmörk og grímunotkun.

Í tónlistarskólum skal taka mið af sambærilegum skólastigum. Viðburðir í leik,- grunn- og framhaldsskólum og í tónlistarskólum verða heimilir í skólabyggingum en virða skal fjölda- og nálægðarmörk sem gilda á viðkomandi skólastigi.

Líkar þetta

Fleiri fréttir

Látrabjarg er nú friðlýst

Guðmundur Ingi Guðbrandsson, umhverfis- og auðlindaráðherra, hefur skrifað undir plagg til friðlýsingar Látrabjargs. Viðstaddir undirskriftina voru fulltrúar Bjargtanga, félags land-... Lesa meira