medium

large

thumbnail

1536x1536

2048x2048

small

custom-size

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

Aukin hætta á fuglainflúensu með komu farfuglanna

Glæsilegir tónleikar í Borgarneskirkju

Akranesmótið í pílu um helgina

Vígreif í hefðbundnu karlastarfi

core/freeform

<ul>
 	<li><strong>Hægt verður að kynna sér allt háskólanám í landinu á netinu laugardaginn 27. febrúar</strong></li>
</ul>
Háskóladagurinn fer fram laugardaginn 27. febrúar milli kl. 12 og 16 en þá gefst öllum sem hyggja á háskólanám kjörið tækifæri að kynna sér allt grunnnám allra háskóla á landinu. Í ár verður Háskóladagurinn alfarið á netinu vegna samkomutakmarkana sem tengjast Covid-19.

Háskóladagurinn hefur í hátt á annan áratug verið einn mikilvægasti vettvangur landsmanna við að kynna sér háskólanám en í síðustu viku var opnaður ný vefur Háskóladagsins (www.haskoladagurinn.is) sem mun einfalda aðgengi allra að upplýsingum um allt háskólanám í boði.

Á laugardaginn munu um 300 fjarfundir tengjast vefnum þar sem hægt verður að fá upplýsingar um allar námsbrautir en á fjarfundunum geta áhugasamir spurt spurninga um námið og spjallað við fulltrúa háskólanna, nemendur og kennara. Á vefnum er öflug og einföld leitarvél sem auðveldar verðandi nemendum að finna draumanámið. Leitarvélin birtir námsbrautir frá öllum háskólum landsins en hverri námsbraut fylgja tiltekin leitarorð sem hjálpa notendum við að finna nám þótt þeir slái ekki endilega inn heiti námsbrautarinnar sjálfrar.

Fyrst um sinn er áhersla vefsins, sem og Háskóladagsins, á grunnnám en fljótlega að Háskóladeginum loknum verður framhalds- og doktorsnámi bætt við. Háskóladagurinn er árvisst samstarfsverkefni allra sjö háskóla landsins þar sem þeir kynna námsbrautir sínar fyrir verðandi háskólanemum.

Háskóladagurinn stafrænn að þessu sinni