Fyrsta útsending ÍATV frá fimleikahúsinu á morgun

Á morgun, laugardaginn 20. febrúar, standa forsvarsmenn ÍATV vaktina frá morgni til kvölds í nýja Fimleikahúsinu við Vesturgötu á Akranesi. Þar fer þá fram GK-mót í hópfimleikum á vegum Fimleikasambands Íslands og Fimleikafélags Akraness. Þetta verður fyrsta mótið sem haldið er í húsinu og því sögulegur viðburður í íþróttasögu Akraness.

Útsending hefst klukkan 10:30 í fyrramálið með því að sýnt verður frá keppni í 2. flokki og deginum lýkur svo með útsendingu frá keppni í meistaraflokki sem hefst kl. 20. Því miður er áhorfendabann ennþá vegna sóttvarna og því verður útsending frá mótinu mörgum kærkomin.

Meðfylgjandi linkar eru á dagskrána:

Kl. 10:30 – 2. flokkur: https://youtu.be/iWmx9Jp4Zpc

Kl. 13:40 – 1. flokkur B og mix: https://youtu.be/4r0sySnJONg

Kl. 16:50 – 1. flokkur kvk og kke: https://youtu.be/9PWeyZ-NdXU

Kl. 20:00 – Meistaraflokkur kvk og kk: https://youtu.be/XsJlq90_FnA

Hér er skipulag mótsins í heild: https://fimleikasamband.is/…/GK_skipulag_uppfaert-17…

Líkar þetta

Fleiri fréttir