Búnaðurinn hífður um borð í skipið. Ljósm. bb.is

Stærsta undirkælingartæki Skagans 3X flutt til Noregs

Á dögunum kom frá Noregi skip til Ísafjarðar. Flutti það laxafóður fyrir vestfirsku laxeldisfyrirtækin. Skipið fór ekki tómt þaðan og til Noregs því á Ísafirði var skipað um borð 100 rúmmetra tanka til undirkælingar (Sub chilling) á laxi með viðeigandi búnaði, pöllum og böndum frá Skaganum 3X. Það er vestfirski fréttamiðillinn bb.is sem greinir frá: „Sub Chill búnaðurinn á að afkasta um 30 tonnum á klukkustund og fer hann í eitt af stærstu laxasláturhúsum í Noregi sem vinnur úr um 70.000 tonnum af laxi á ári. Þessi tankur er sá stærsti sinnar tegundar sem fyrirtækið Skaginn 3X hefur framleitt. Þetta er fjórða kerfið af þessari gerð sem fyrirtækið selur til Noregs og verða því að uppsetningu þess lokinni um 10% af öllum eldislaxi í Noregi undirkældur að lokinni slátrun í vinnslukerfum frá Skaganum 3X.“

Sub-chilling tæknin hefur ótvíræða kosti, en hún minnkar stórlega kolefnisfótspor laxeldisins. Með því bæði lengist líftími afurðar og hægt er að flytja laxinn íslausan á markað.

Sjá frétt bb.is

Líkar þetta

Fleiri fréttir