Fáðu þér G-Vítamín – opið í Stykkishólmi á morgun

Frítt  verður inn á valin söfn í landinu í samstarfi við sveitarfélög um land allt miðvikudaginn 10. febrúar. Meðal safna sem taka þátt má nefna að Norska Húsið og Vatnasafnið á Stykkishólmi sem verða opin á morgun. Norska húsið – Byggaðsafn Snæfellinga og Hnappdæla verður opið frá kl. 14-16. Vatnasafn er opið kl. 14-16, fólk verður að koma í Norska húsið til að fá kóða inn á Vatnasafn.

Geðhjálp stendur fyrir átakinu G-Vítamín á þorra þar sem verndandi þáttum geðheilsu er gefinn gaumur. Alla daga þorrans er bent á eina aðgerð á dag sem nota má sem G-vítamín.

Miðvikudaginn 10. febrúar er G-vítamín dagsins að „Gleyma sér“. Því er tilvalið að fara á safn sem er góð leið til að gleyma sér og njóta menningar og listar í leiðinni. „Endilega nýtið tækifærið, ef ekki á þeim degi, þá þegar hentar. Það er verðmætt að leyfa sér að gleyma sér. Frekari upplýsingar um söfn sem taka þátt má finna á gvitamin.is. Það þarf ekki að skrá sig til að fá aðgang að söfnunum.

Á gvitamin.is er hægt að skrá sig og fá heilræði dagsins send í tölvupósti allan þorra ásamt möguleika á fjöldanum öllum af geðbætandi vinningum sem dregnir eru út daglega.

Líkar þetta

Fleiri fréttir