medium

large

thumbnail

1536x1536

2048x2048

small

custom-size

Hafnarstjórinn sem hefði getað orðið prestur

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

core/freeform

Þrjú landshlutaráð Viðreisnar af fimm hafa tekið ákvörðun um hvaða leið verði farin við röðun á framboðslista fyrir kosningar í haust. Landshlutaráð Reykjavíkur, Suðvesturkjördæmis og Suðurkjördæmis hafa öll fundað og ákveðið að nota uppstillingu við skipan á lista þessara fjögurra kjördæma að þessu sinni. Landshlutaráð Norðvestur- og Norðausturkjördæma munu fljótlega funda til að taka ákvörðun um leið við röðun á framboðslista. Viðreisn á ekki þingmann í Norðvesturkjördæmi en bauð fram fyrir fjórum árum. Ekki liggur fyrir hverjir sækist eftir að komast í framboð að öðru leyti en því að Guðmundur Gunnarsson fyrrverandi bæjarstjóri á Ísafirði hefur gengið í raðir Viðreisnar og sækist eftir sæti á lista flokksins í Norðvesturkjördæmi. Það var staðfest í desember síðastliðnum.

„Hvert landshlutaráð fyrir sig tekur ákvörðun um hvaða aðferð verður beitt við skipan framboðslista, í samræmi við samþykktir flokksins. Verði uppstilling fyrir valinu skal landshlutaráð skipa uppstillingarnefnd sem starfar samkvæmt reglum sem stjórn Viðreisnar setur. Framboðslistar verða bornir undir landshlutaráð og stjórn Viðreisnar til samþykktar. Viðreisn gætir fyllsta jafnréttis kynjanna og vill endurspegla fjölbreytni mannlífs í framboðslistum sínum. Stjórn Viðreisnar hefur ákveðið að auglýsa eftir áhugasömu fólki til að starfa með flokknum og taka sæti á listum hans. Þessar auglýsingar munu líta dagsins ljós á næstu dögum,“ segir í tilkynningu.

Viðreisn velur uppstillingu og auglýsir eftir áhugasömum