Nemendum við Grundaskóla afhent verðlaun

Auður Inga Þorsteinsdóttir, framkvæmdastjóri UMFÍ, afhenti í morgun nemendum við Grundaskóla á Akranesi ávísun upp á 50.000 krónur sem skólinn hlaut í brenniboltaáskorun Hreyfiviku UMFÍ og Kristals í byrjun sumars í fyrra. Vegna Covid-faraldursins, samkomutakmarkana, fjöldatakmarkana og takmarkana á skólastarfi var ávísunin ekki afhent fyrr en nú, en betra er seint en aldrei.

Verðlaununum í Hreyfiviku UMFÍ fylgir sú krafa að hana á að gefa félagi að eigin vali. Sigurður Arnar Sigurðsson skólastjóri Grundaskóla segir stefnt að því að gefa ÍA ávísunina og styðja þannig íþróttafélagið til að finna leiðir til að bjóða upp á íþróttir án aðgreiningar svo allir geti verið með í íþróttum.

Líkar þetta

Fleiri fréttir