medium

large

thumbnail

1536x1536

2048x2048

small

custom-size

Hafnarstjórinn sem hefði getað orðið prestur

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

core/freeform

Að kröfu eldvarnareftirlits Borgarbyggðar var húsnæði Öldunnar, vinnu- og hæfingarstaðar í Brákarey í Borgarnesi, lokað síðastliðinn föstudag. Aldan hefur verið til húsa í fyrrum matsal sláturhússins. Gerðar hafa verið alvarlegar athugasemdir við brunavarnir í húsinu m.a. sökum þess að vatn hefur komist í rafmagnstöflu og skortur er á flóttaleiðum ef eldsvoði kemur upp. Samkvæmt tilkynningu frá Borgarbyggð verður starfsemin nú flutt tímabundið á 6. hæð fjölbýlishússins við Borgarbraut 65. Þá verður dósamóttöku Öldunnar sömuleiðis lokað tímabundið þar til annað verður ákveðið.

Í kjölfar úttektarinnar á Öldunni ákvað eldvarnaeftirlitið að ráðast í úttekt á öllu húsnæði sveitarfélagsins í Brákarey, en þar er ýmis starfsemi til húsa, bæði í fyrrum fjárrétt og sláturhúsbyggingunni sjálfri. Niðurstaðna úr þeirri úttekt er að vænta fljótlega, samkvæmt tilkynningu Borgarbyggðar, en hugsanlega þarf að gera breytingar og munu starfsmenn sveitarfélagsins verða í samskiptum við þá leigjendur sem þar eru þegar niðurstöður liggja fyrir. „Ákvörðun um framtíðarhúsnæði Öldunnar mun liggja fyrir þegar nánari greiningarvinna hefur átt sér stað,“ segir í tilkynningu Borgarbyggðar síðastliðinn föstudag.

Húsnæði Öldunnar í Brákarey hefur verið lokað