Lífshlaupið hefst í dag

Lífshlaupið er heilsu- og hvatningarverkefni Íþrótta- og Ólympíusambands Íslands og verður það sett í dag frá Rimaskóla í Grafarvogi. Markmið Lífshlaupsins er að hvetja landsmenn til að gera hreyfingu að föstum lið í lífi sínu, hvort sem er í frítímanum, í vinnunni, í skólanum eða við val á ferðamáta. Lífshlaupið er góður vettvangur fyrir þá sem vilja byrja að hreyfa sig og skrá hreyfinguna markvisst, hafa yfirlit og setja sér markmið. Auk þess að hvetja til hreyfingar daglega þá skapar verkefnið jákvæða stemningu á vinnustöðum og í skólum sem keppa sín á milli. Aðalmarkmiðið er að fá sem flesta til að hreyfa sig sem oftast á meðan á keppninni stendur. Fullorðnir að lágmarki 30 mínútur á dag og börn og unglingar að lámarki 60 mínútur á dag.

Sjá nánar á: www.lifshlaupid.is

Líkar þetta

Fleiri fréttir