LbhÍ tekur þátt í alþjóðlegri hönnunarsamkeppni

Teymi starfsmanna hjá Landbúnaðarháskóla Íslands tekur nú þátt í alþjóðlegri hönnunarsamkeppninni samtakanna C40 Reinventing Cities. Markmið þessara samtaka er að vinna að samkeppni fyrir borgir sem vilja leggja sig fram í baráttunni gegn loftslagsvanda og tekur Reykjavíkurborg þátt. Framlag borgarinnar var lóðin að Sævarhöfða 31 sem er um 3000 m2 þróunarreitur. Reiturinn einkennist af gömlum mannvirkjum þar sem síló eru sterkt kennileiti. Vinningstillagan þarf að hafa sjálfbærni að leiðarljósi í öllum þáttum hönnunarinnar.

„Tvö teymi komust áfram eftir fyrsta hluta samkeppninnar og var Landbúnaðarháskóli Íslands í öðru teyminu ásamt VSÓ ráðgjöf, Reiulf Samstad Arkitekter AS, M-Studio, ÍF, BM-Vallá og GXN Copenhagen. Lokahönnunartillögu verður skilað inn um miðjan mars. Frá Landbúnaðarháskóla Íslands taka þátt Kristín Pétursdóttir lektor og brautarstjóri, Steinunn Garðarsdóttir sérfræðingur og Samaneh Nickayin lektor og starfa þær innan fagdeildar skipulags og hönnunar við skólann,“ segir í tilkynningu frá LbhÍ.

Líkar þetta

Fleiri fréttir