medium

large

thumbnail

1536x1536

2048x2048

small

custom-size

Ólafsvíkurvaka heppnaðist með ágætum – myndasyrpa

Lokadagur Fjórðungsmóts Vesturlands runninn upp

Mótorhjólaslys í Staðarsveit

Ástand Snæfellsnesvegar hefur aldrei verið verra

Hola!

Þúsund tonnum bætt við strandveiðikvótann

core/freeform

Vísitala byggð á stofnmælingu botnfiska að vori verður áfram grunnurinn að fiskveiðiráðgjöf Hafrannsóknastofnunar vegna hrognkelsaveiða. Í tilkynningu segjast starfsmenn stofnunarinnar telja að ef þessari nýju ráðgjafarreglu verði fylgt séu miklar líkur á að hrognkelsastofninn verði nýttur á sjálfbæran hátt í samræmi við markmið varúðarnálgunar. Stofnunin hefur nú kynnt afrakstur endurskoðunar á stofnmati og ráðgjafarreglu hrognkelsis fyrir hagsmunaaðilum. „Í kjölfar mikillar umræðu og skoðanaágreinings vorið 2020, meðal annars um forsendur aflaútreikninga sem fyrri ráðgjöf byggði á, var ákveðið að fara í þessa endurskoðun. Hefur sú vinna staðið yfir frá því í vor og er tækniskýrsla um endurskoðun nú útgefin.

Helstu niðurstöður skýrslunnar eru að vísitala byggð á stofnmælingu botnfiska að vori (SMB) verður áfram grunnurinn að fiskveiðiráðgjöfinni. Ráðgjöfin mun byggja á svipaðri ráðgjafarreglu og fyrr, en með breytingum og viðbótum: „Nýja reglan gerir ráð fyrir því að nýta stofninn með sama veiðistuðli og stefnt var að með fyrri aflareglu (Fproxy=0.75; sjá mynd). Ákvörðunin byggir á því að ráðgjöfin árin 2014-2019, sem takmarkaðist við þennan veiðistuðul, virðist hafa leitt til sjálfbærrar nýtingar miðað við þróun vísitalna SMB eftir 2014. Ráðgjöfin mun því byggja á vísitölu SMB þar sem vísitala frá ráðgjafarárinu vegur 70% á móti 30% frá vísitölu fyrra árs, sem er eins og í fyrri reglu. Loks er bætt við aðgerðarmarki (Itrigger), sem ekki var í fyrri reglu, þar sem veiðistuðullinn lækkar línulega niður í gildi sem samsvarar lægstu þekktu vísitölu frá SMB (Ilim). Neðan við það gildi verður veiðistuðullinn 0 fyrir það ár og hefur þá annað hvort 70% eða 30% vægi.“

Hafrannsóknastofnun metur það svo að verði þessari nýju ráðgjafarreglu fylgt við stjórn veiða á hrognkelsi séu miklar líkur á að stofninn verði nýttur á sjálfbæran hátt í samræmi við markmið varúðarnálgunar.

[caption id="attachment_42141" align="alignnone" width="600"]<img class="wp-image-42141 size-medium" src="https://skessuhorn.is/wp-content/uploads/2021/01/Hafrannsoknastofnun-kynnir-nyja-radgjafarregla-fyrir-hrognkelsaveidar_2-600x509.jpg" alt="" width="600" height="509" /> Myndræn framsetning á nýrri ráðgjafarreglu fyrir hrognkelsi sem sýnir veiðistuðul (Fproxy) á móti lífmassavísitölu frá stofnmælingu botnfiska að vori (SMB). Frekari lýsing er í texta og skýrslu sem finna má á vef Hafró.[/caption]

Hafrannsóknastofnun kynnir nýja ráðgjafarregla fyrir hrognkelsaveiðar