Snjótittlingar.

Talningarhelgi garðfugla framundan hjá fuglavinum

Hin árvissa Garðfuglahelgi Fuglaverndar verður haldin um næstu helgi, dagana 29. janúar – 1. febrúar. Þá eru fuglavinir hvattir til að skrá fugla sem líta við í garðinn í eina klukkustund og senda Fuglavernd talningartölurnar. Viðburðurinn stendur yfir frá og með föstudegi til mánudags og má velja þann dag sem best hentar á því tímabili. „Nú er hart í ári hjá mörgum fuglum sem þreyja þorrann hérna með okkur og eru fuglavinir hvattir til að gauka að þeim fóðri og fersku vatni reglulega,“ segir í tilkynningu frá Fuglavernd.

Fyrir áhugasama býður Fuglavernd upp á streymisviðburð á Zoom á morgun, fimmtudag kl. 17, þar sem farið er yfir framkvæmd talningar og skráningar. Finna má nánari upplýsingar um viðburðinn á vefsíðu og Facebook síðu Fuglaverndar. Einnig má finna þar gagnlegar upplýsingar um garðfugla og fóðrun þeirra.

Líkar þetta

Fleiri fréttir