medium

large

thumbnail

1536x1536

small

custom-size

Úrtaka Dreyra fyrir Fjórðungsmót

2048x2048

Þreklausir Skagamenn

„Fjórðungsmótið verður frábært“

Ráðherra opnar endurbættan veg að Djúpalónssandi

Harmonía-Samhljómur tónlistarfræðslu hlýtur styrk úr Lóu

Öllum tilboðum hafnað í hafnarframkvæmdir í Ólafsvík

core/freeform

Borgarbyggð sendi í dag frá sér yfirlýsingu vegna rakaskemmda í Ráðhúsinu í Borgarnesi, og greint var frá í frétt hér á vefnum í síðustu viku. Þar segir: „Í lok síðasta árs skilaði verkfræðistofan EFLA skýrslu vegna úttektar á neðstu hæð Ráðhússins með það að markmiði að meta núverandi ástand á ytra byrði hússins og kanna innvist, þar á meðal athuga hvort rakavandamál væru til staðar. Niðurstaða úttektar gaf til kynna að rakaskemmdir er að finna í húsnæðinu og því nauðsynlegt að bregðast við. Á 549. fundi byggðarráðs var erindið tekið fyrir og ákveðið að hefja endurbætur á Ráðhúsinu þegar í stað. Framkvæmdir hófust í síðustu viku og í ljós kom að rakaskemmdirnar eru umfangsmeiri en upphaflega var talið og því ljóst að endurbæturnar koma til með að taka lengri tíma en áætlað var í fyrstu. Byggðarráð tók málið til umfjöllunar á 550. fundi þann 21. janúar sl. þar sem ákveðið var að fela sveitarstjóra að finna tímabundið húsnæði fyrir hluta eða alla starfsemi Ráðhússins.“

Þá segir að einungis hafi verið gerð úttekt á afmörkuðu svæði Ráðhússins sem hefur verið afgirt á meðan unnið er að frekari úrbótum. „Starfsstöðvar starfsmanna í nálægð við umrætt svæði voru færðar, öryggi og heilsa starfsmanna hefur og verður ávallt í fyrirrúmi. Það er mat sérfræðinga að einungis þurfi að flytja hluta af starfseminni úr Ráðhúsinu og þá er einungis um að ræða starfsstöðvar sem eru í nálægð við framkvæmdarsvæðið. Á þessum tímapunkti máls liggja ekki fyrir framtíðaráform Ráðhússins. Brýnt er að klára að gera heildarúttekt á öllu húsnæðinu áður en ákvörðun er tekin um framtíðarstaðsetningu þess. Engin áform eru um að rífa húsið, heldur er fullnægjandi að fara í endurbætur á húsinu. Byggðarráð ákvað á fundi sínum 21. janúar sl. að ljúka við úttekt og í framhaldinu skoða viðeigandi aðgerðir í kjölfarið. Ekki hefur verið ákveðið hvert hluti af starfseminni flyst á meðan unnið er að endurbótum.“

Yfirlýsing frá Borgarbyggð vegna ástands Ráðhúss