
Eftirlit verður eflt með spilakössum
Undanfarið hefur lögreglan á Vesturlandi lagt áherslu á eftirlit með spilakössum. Strangar reglur gilda um spilakassa og má þar nefna staðsetningu kassanna og merkingar á þeim. Kassarnir eiga að vera merktir með raðnúmerum og aðilanum sem ágóðinn rennur til. Þá þarf að gæta sóttvarna og þess að ólögráða einstaklingum er óheimilt að nota kassana.