Bein útsending frá fundi sveitarstjórnar í fyrsta skipti

Í dag eru merk tímamót í sögu sveitarfélagsins Borgarbyggðar því streymt verður frá fundi sveitarstjórnar í fyrsta skipti. Gefst íbúum og öðrum nú tækifæri til þess að fylgjast með sveitarstjórnarfundum í hljóði og mynd í rauntíma. „Þessi nýbreytni er liður í því að stuðla að auknum áhuga og þekkingu íbúa á málefnum sveitarfélagsins. Fundir sveitarstjórnar Borgarbyggðar verða héðan í frá sendir út í beinni útsendingu en sveitarfélagið hefur í vaxandi mæli verið að nota stafrænar leiðir til þess að auka aðgengi íbúa að íbúafundum og upplýsingafundum á vegum Borgarbyggðar,“ segir í tilkynningu frá sveitarfélaginu.

Fundurinn í dag hefst klukkan 16:00 og hægt er að horfa hér.

Líkar þetta

Fleiri fréttir