Jólin kvödd með flugeldasýningu frá Akranesbryggju

Í kvöld á þrettándanum mun Björgunarfélag Akraness sjá um veglega flugeldasýningu frá ysta hluta aðalhafnargarðs Akraneshafnar. Hefst sýningin klukkan 18. Árleg þrettándabrenna sem verið hefur á Þyrlupallinum fellur hins vegar niður. Í kjölfar sýningarinnar verður svo streymt frá kjöri Íþróttamanns Akraness sem einnig verður með breyttu sniði þetta árið. Streymið er í gegnum ÍATV og hefst það 15 mínútum eftir lok flugeldasýningar.

Í tilkynningu frá Akraneskaupstað kemur fram að íbúar eru minntir á að fylgja fyrirmælum almannavarna þegar fylgst verður með flugeldasýningunni og hópast ekki saman. Hægt er að fylgjast með sýningunni meðfram strandlengjunni allt frá Breið og inn að Höfða og víðar um bæinn. Íbúum gefst því kostur á að koma sér fyrir á stóru svæði hvort sem er í bílum eða úti undir berum himni.

Streymi frá kjöri Íþróttmanns Akraness er hægt að nálgast hér.

Líkar þetta

Fleiri fréttir