Deildartunguhver séður úr lofti. Ljósm. Veitur.

Leki kom að Deildartunguæð

Á sunnudagskvöld kom leki að Deildartunguæð en lögnin flytur eins og kunnugt er heitt vatn frá Deildartungu til Borgarness, Akraness og nærsveita. Talið er að bilunin tengist rafmagnstruflunum sem urðu í dreifikerfi Rarik á Vesturlandi og hófust um kl. 22:00 á sunnudagskvöldið, en þær höfðu þau áhrif að allar dælustöðvar hitaveitunnar á Vesturlandi stöðvuðust.

Bilunin í lögninni varð um 100 metra austan við svokallað gil í Flókadalsá og rann heitt vatn frá henni og í ána. Þegar lekinn uppgötvaðist var brugðist hratt við, skrúfað fyrir rennslið frá Deildartungu og viðgerð hafin. Gekk hún vel og var lögnin komin í fullan rekstur um klukkan 03:00 um nóttina. Fram kemur í tilkynningu frá Veitum að eftirlitsaðilar og landeigendur hafi verið upplýstir um málið.

Líkar þetta

Fleiri fréttir