medium

thumbnail

small

custom-size

Lúðrasveit lék fyrir Borgnesinga

large

1536x1536

2048x2048

Skagamenn í öðru sæti eftir stórsigur á Fylki

Línur teknar að skýrast í baráttunni um Bessastaði

Fimm kóra mót var haldið á Akranesi

Borgfirðingar tóku á móti Rangæingum í Brún

Skeifudagur, afmæli Grana og útskrift úr Reiðmanninum framundan

core/freeform

Línubáturinn Kristinn HU, sem er gerður út frá Skagaströnd og Ólafsvík, gerði það gott í desember. Skipverjar komu með 288 tonn að landi og aflaverðmætið var 109 milljónir króna. Þorsteinn Bárðarson, annar tveggja skipstjóra á Kristni og útgerðarmaður, segir þetta metmánuð í sögu útgerðarinnar sem var stofnuð árið 1997. Hann segir að aldrei áður hafi Kristinn landað jafn miklum afla en á síðasta ári, en hann var í heildina 1.769 tonn og aflaverðmætið 556 miljónir. Það sem gerði þetta háa aflaverðmæti í desember var að sökum erfiðs tíðarfars var skortur af fiski á mörkuðum og fiskverð þar af leiðandi mjög hátt. Kristinn landaði öllum sínum afla á Fiskmarkað Snæfellsbæjar. „Við gátum verið í skjóli af landi í norðanáttinni sem var ríkjandi vindátt nánast allan mánuðinn. Héldum okkur sunnan við jökul þar sem veiði var góð og lönduðum svo á Arnarstapa. Stærsta löndunin var 18,5 tonn hjá okkur,“ segir Þorsteinn. Þess má geta að meðal aflaverð var 378 krónur í desember.

Þorsteinn segir að lokum að þakka megi þennan árangur því góða og dugmikla starfsfólki sem stendur á bakvið útgerðina. Það megi til dæmis þakka fólkinu í beitningunni, pabba á balabílnum og að sjálfsögðu sjómönnunum sem eru hörku drengir. Öll þessi heild hefur verið tilbúin að leggja meira á sig en hægt er að ætlast til - og það ber að þakka fyrir,“ segir Þorsteinn.

Aflamet hjá línubátnum Kristni HU