Steinunn er nýr hjúkrunarforstjóri í Barmahlíð

Steinunn Agnarsdóttir hefur verið ráðin sem nýr hjúkrunarforstjóri í Barmahlíð á Reykhólum, en frá þessu er greint á vef sveitarfélagsins. Steinunn er hjúkrunarfræðingur að mennt og með gráðu í heilsuhagfræði. Hún hefur lengst af unnið við aðhlynningu aldraðra en að auki hefur hún unnið á geðdeild Borgarspítalans og á heilsugæslu í Kópavogi. Steinunn hefur gegnt stöðu deildarstjóra í tólf ára og þar af síðustu tíu ár á hjúkrunarheimilinu Mörk í Reykjavík. Steinunn er ekki ókunn Reykhólum en hún er ættuð frá Miðjanesi, þar sem hún var í sveit sem barn og fram á unglingsár, auk þess sem hún vann við afleysingar í Barmahlíð þrjú sumur, 1995-1997 og allt árið 1998. Steinunn tekur til starfa um áramótin.

Líkar þetta

Fleiri fréttir