Bjóða upp á námskeið í verslun í vefheimum

Nú í haust og einkum í aðdraganda jóla varð mikil aukning í verslun á netinu. Margir vilja eflaust fræðast meira um rekstur vefverslana. Til að koma til móts við þarfir þeirra sem reka slíka verslun, eða íhuga stofnun vefverslunar, hyggst Háskólinn á Bifröst bjóða upp á vefnámskeið þar sem rætt verður hvað einkenni góða vefverslun og þá einkum hvaða eiginleikum árangursík vefverslun þarf að búa yfir. Farið verður yfir helstu þætti er lúta að stafrænni markaðssetningu ásamt einfaldri auglýsingavinnslu, og sjónum m.a. beint að því hvernig samþætta megi samfélagsmiðla og vefverslanir. Þá verður aðferðafræði tvinnuð saman við hagnýt verkefni sem nýtast þátttakendum vel.

Kennar á þessu vefnámskeiði verða Edda Blumenstein doktor í Retail umbreytingu (e.Omnichannel retailing transformation) og eigandi ráðgjafafyrirtækisins beOmni og Una Helga Jónsdóttir framkvæmdastjóri Ferðaskrifstofunnar Mundo og eigandi vefverslunarinnar Navía.

Kennslan hefst laugardaginn 30. janúar en í upphafi verður boðið upp á tveggja klukkustunda staðlotu. Kennslan nær yfir þrjár vikur en kennt verður gegnum Canvas sem er kennslukerfi skólans og verða tveir fyrirlestrar á viku á netinu og munu nemendur vinna stutt en hagnýt verkefni í tengslum við nám sitt.

Líkar þetta

Fleiri fréttir