Mikil ásókn í greiðslumark sauðfjár

Auka innlausnarmarkaður greiðslumarks í sauðfé og úthlutun þess til umsækjenda fór fram fyrr í þessum mánuði. Markaðurinn var haldinn að tillögu Landssamtaka sauðfjárbænda um að auka greiðslumark á markaði fyrir sauðfjárbændur. Framkvæmdin miðast við að jafna stöðu bænda innan kerfisins þar sem greiðslumarki er beint til þeirra hópa sem framleitt hafa með minnstum opinberum stuðningi. Til sölu á markaðnum voru 5.332 ærgildi, þar af 4.906 ærgildi sem innleyst voru á árunum 2017 og 2018. Greiðslumark innleyst af framleiðendum voru 426 ærgildi. Óskir um kaup voru 201 talsins og námu samtals 62.720 ærgildum. Í heildina var því hlutfall til úthlutunar 9,4% af óskum um kaup.

Líkar þetta

Fleiri fréttir