Horft til suðurs yfir Borgarvog. Ljósm. Þorleifur Geirsson.

Áform um friðlýsingu Borgarvogs

Umhverfisstofnun hefur kynnt áform um friðlýsingu Borgarvogs í Borgarbyggð sem friðlands. Áformin eru kynnt í samstarfi við landeigendur og sveitarfélagið Borgarbyggð. „Borgarvogur er eitt af mikilvægari fuglasvæðum Vesturlands. Vogurinn er á skrá yfir alþjóðlega mikilvæg fuglasvæði og er á náttúruminjaskrá. Þá geymir Borgarvogur víðáttumikla leiru sem flokkuð er sem gulþörungaleira og er hún sú stærsta af þessari vistgerð hér á landi svo vitað sé. Leirur eiga ennfremur þátt í að takmarka gróðurhúsaáhrif og önnur neikvæð áhrif loftslagsvárinnar en leira bindur gróðurhúsaloftegundir og er binding á flatareiningu mikil,“ segir í tilkynningu frá Umhverfisstofnun. Nánar má lesa um áform um friðlýsingu Borgarvogs á vefnum ust.is

Líkar þetta

Fleiri fréttir