Í lok athafnar settu þeir nemendur sem það kusu upp húfur sínar og veifuðu gestum sem fyldust með í gegnum streymi. Ljósm. fva.is

Brautskráð frá Fjölbrautaskóla Vesturlands á Akranesi

Föstudaginn 18. desember var 51 nemandi brautskráður frá Fjölbrautaskóla Vesturlands á Akranesi. Vegna fjöldatakmarkana voru athafnir dagsins tvær, sú fyrri klukkan 11 en þá brautskráðust nemendur á iðnnámsbrautum, en klukkan 14 voru brautskráðir nemendur af bóknámsbrautum. Engir gestir fengu að vera viðstaddir athafnnirnar, en streymt var frá brautskráningunni. „Þrátt fyrir óvenjulegar kringumstæður var dagskráin með hefðbundnu sniði. Dröfn Viðarsdóttir aðstoðarskólameistari ávarpaði nemendur í upphafi athafnar og Steinunn Inga Óttarsdóttir skólameistari flutti ávarp og hvatti nemendur til dáða. Nýstúdentarnir Björgvin Þór Þórarinsson og Rakel Rún Eyjólfsdóttir fluttu tvö lög fyrir gesti og áhorfendur heima í stofu. Þau Hlöðver Már Pétursson og Kartín María Rafnsdóttir fluttu ávörp fyrir hönd útskriftarnema. Dúx Fjölbrautaskóla Vesturlands er Hlöðver Már Pétursson en hann útskrifaðist bæði úr rafvirkjun og eftir viðbótarnám til stúdentsprófs.

Dröfn Viðarsdóttir aðstoðarskólameistari, Hlöðver Már Pétursson dúx FVA og Steinunn Inga Óttarsdóttir skólameistari. Ljósm. fva.is

Eftirtaldir útskriftarnemar fengu verðlaun og viðurkenningar fyrir námsárangur og störf að félags- og menningarmálum. Nöfn þeirra sem gáfu verðlaun eru innan sviga:

Aþena Ósk Eiríksdóttir fyrir ágætan árangur í dönsku (Danska sendiráðið) og spænsku (Fjölbrautaskóli Vesturlands)

Birkir Daði Jónsson fyrir góðan árangur í sérgreinum rafiðngreina (Skaginn 3X)

Bjartur Snær Márusson fyrir góðan árangur í sérgreinum rafiðngreina (VS Tölvuþjónustan)

Björgvin Þór Þórarinsson fyrir störf að félags- og menningarmálum (Minningarsjóður um Karl Kristin Kristjánsson)

Elín Mist Laxdal Sigurðardóttir fyrir góðan árangur í félagsgreinum og erlendum tungumálum (Fjölbrautaskóli Vesturlands) og fyrir bestan árangur á stúdentsprófi í bóknámi (Fjölbrautaskóli Vesturlands)

Garðar Snær Bragason fyrir störf að félags- og menningarmálum (Minningarsjóður um Karl Kristin Kristjánsson)

Hlöðver Már Pétursson fyrir framúrskarandi árangur í iðnnámi (Katla Hallsdóttir, Hárhúsinu), framúrskarandi árangur í sérgreinum rafiðngreina (Fjölbrautaskóli Vesturlands), fyrir ágætan árangur í íslensku (Fjölbrautaskóli Vesturlands), fyrir framúrskarandi námsárangur (Terra) og fyrir framúrskarandi árangur í bæði bók- og verknámi (Fjölbrautaskóli Vesturlands)

Jóhann Hlíðar Hannesson fyrir ágætan árangur í lokaverkefni tréiðngreina (Elkem Ísland)

Katla Kristín Ófeigsdóttir fyrir framlag til umhverfismála (Soroptimistasystur á Akranesi)

Katrín María Rafnsdóttir fyrir störf að félags- og menningarmálum (Minningarsjóður um Karl Kristin Kristjánsson)

Þórhildur Halla Jónsdóttir fyrir ágætan árangur í sérgreinum tréiðngreina (Verkalýðsfélag Akraness).

Líkar þetta

Fleiri fréttir