Þrír voru greindir með veiruna í gær

Þrír voru greindir innanlands með kórónuveiruna í gær skv. uppfærðum tölum á covid.is. Tveir þeirra sem greindust voru í sóttkví. 142 eru nú í einangrun á landinu vegna veirunnar og 293 í sóttkví. 33 liggja á sjúkrahúsi vegna Covid-19 og þar af eru þrír á gjörgæslu.

Á Vesturlandi eru nú fjórir í einangrun vegna kórónuveirunnar, tveir á Akranesi og tveir í Borgarnesi, en í gær voru fimm í einangrun í landshlutanum. Þrír eru í sóttkví í landshlutanum; einn á Akranesi, einn í Borgarnesi og einn í Ólafsvík, eins og í gær.

Líkar þetta

Fleiri fréttir