Valborg Elva Bragadóttir sækir hér ákveðin að körfunni. Hún var meðal þeirra sem valin var í æfingahóp U15 ára landsliðs stúlkna. Ljósm. glh.

Skallagrímur með sjö leikmenn í æfingahópi yngri landsliða

Í síðustu viku tilkynnti Körfuknattleikssamband Íslands þá leikmenn sem valdir hafa verið í sína fyrstu æfingahópa yngri landsliðana fyrir U15, U16 og U18 ára landslið drengja og stúlkna fyrir verkefni sumarsins 2021. Þar á meðal má finna nokkra galvaska Vestlendinga.

Frá Snæfelli í Stykkishólmi voru tveir leikmenn valdir; Ingigerður Sól Hjartardóttir í U16 ára landslið kvenna og Tinna Guðrún Alexandersdóttir í U18 ára. Skallagrímur á alls sjö leikmenn sem hafa verið valdir í æfingahóp. Í æfingahópi U15 stúlkna eru þær Aðalheiður Ella Ásmundsdóttir, Díana Björg Guðmundsdóttir, Kolfinna Dís Kristjánsdóttir, Valborg Elva Bragadóttir og Victoría Lind Kolbrúnardóttir. Að lokum, í æfingahópi U16 stúlkna eru svo Lisbeth Inga Kristófersdóttir og Heiður Karlsdóttir.

Á venjulegu ári er hefðbundið að hefja landsliðsæfingar milli jóla og nýárs en vegna ástandsins og sóttvarna í landinu þá mun KKÍ ekki standa fyrir neinum æfingum á þeim tíma.

Líkar þetta

Fleiri fréttir