medium

thumbnail

small

custom-size

Tólfta stýrivaxtahækkunin í röð

large

1536x1536

2048x2048

Trommusett, hestar og fleira smálegt

Daníel Bergmann með sýningu

Fermingarbörn dönsuðu í sólarhring

Maður á mislitum sokkum í Sævangi

Stefnt á að nýja íþróttahúsið á Jaðarsbökkum verði opnað í lok árs 2025

core/freeform

Í byrjun næsta árs mun Akraneskaupstaður efna til hugmyndasamkeppni um skipulag og hönnun Langasandssvæðisins á Akranesi í samstarfi við FÍLA, félag íslenskra landslagsarkitekta. Markmiðið með samkeppninni er að fá hugmyndir um framtíðarskipulag svæðisins í heild sem tengir m.a. strandsvæði, skólasvæði, framtíðar uppbyggingarreit og hafnarsvæðið. Svæðið sem um ræðir nær frá Sementsreitnum, þeim kjarna þar sem framtíðar íbúðarbyggð mun rísa við Langasand og alveg suðaustur að svæðinu við Sólmundarhöfða, þar sem Hjúkrunarheimilið Höfði er og sú íbúðabyggð sem er þar. Þar á milli er svo íþróttasvæðið, Guðlaug og sandurinn sjálfur.

„Við erum að fara af stað með hugmyndasamkeppni sem Félag íslenskra landslagsarkítekta er að halda utan um með okkur og við ætlum að fá færustu sérfræðinga á þessu sviði til að huga að því hvernig við viljum byggja upp svæðið. Þetta er stórt verkefni um dýrmætt svæði og því mikilvægt að kalla eftir skoðunum flestra,“ segir Sævar Freyr Þráinsson bæjarstjóri. Hann heldur áfram: „Við viljum hefja þessa vegferð og skapa svæði sem mótast af vellíðan og heilsu fyrir alla notendur og skiptir okkur máli að fá íbúana með í lið en þetta svæði er okkar svæði. Góð útivistarsvæði og tengsl við náttúruna er eitt af því sem telst vera lykilatriði þegar kemur að vellíðan og bara hamingju íbúa. Hér í kringum Akranes erum við með ólíkar fjörugerðir og ein sú fallegasta er einmitt þetta svæði; Langisandur. Þessu svæði viljum við hlúa að og huga að hvernig við getum tryggt það að það þróist í takt við væntingar íbúa,“ segir bæjarstjórinn jafnframt.

Í ljósi heimsfaraldurs er ekki hægt að halda hefðbundna íbúafundi og hefur þess í stað verið útbúin rafræn viðhorfskönnun um þarfir, upplifun og framtíðarsýn íbúa um svæðið. Þar fá íbúar tækifæri að láta í ljósi skoðanir, þarfir og áherslur um framtíð Langasandssvæðisins. Munu niðurstöður könnunarinnar verða fylgigagn við auglýsingu um samkeppnina.

„Það skiptir máli hvernig við stöndum að því að þetta allt saman verði gert í samræmi við væntingar íbúa. Við erum því að óska eftir því að þú takir þátt í því, með rafrænum hætti, að koma frá þér öllum þínum dýpstu óskum um það hvernig þetta svæði getur þróast til framtíðar.“ segir Sævar Freyr í ávarpi þegar hann fylgir hinni rafrænu könnun úr hlaði.

Könnunin samanstendur af sextíu spurningum sem flestar eru krossaspurningar og tekur um 15 mínútur að svara. Þátttakendur hafa kost á að komast í pott sem dregið verður úr um og fá einhverjir heppnir gjöf að launum. Allir, ungir sem aldnir, eru hvattir til að taka þátt. Könnunin verður opin út desembermánuð.

<a href="https://forms.office.com/Pages/ResponsePage.aspx?id=1JMl1NpLtkiSdA65P68-ifoNMGBLrTVOqlJMdC4sxTNUQVUyVENRRkQ4UDNDUEVWUUFCTlVFUjdMOS4u">Hér er beinn linkur á könnunina.</a>

Hugmyndasamkeppni um skipulag og hönnun Langasandssvæðis