Leyfa æfingar í fyrstu deildum kvenna og karla

Nú fyrir skömmu samþykkti heilbrigðisráðuneytið undanþágubeiðni sem Körfuknattleikssambandið bað um vegna æfinga liða í 1. deildum karla og kvenna. Í gildandi sóttvarnareglum var einungis úrvalsdeildarliðum leyft að æfa. „KKÍ hefur í samvinnu við HSÍ og ÍSÍ sett mjög skýrar sóttvarnarreglur um framkvæmd æfinga aðildarfélaga, en reglurnar eru grundvöllur þess að hægt sé að hefja æfingar,“ segir í tilkynningu frá KKÍ.

„KKÍ leggur mikla áherslu á það að þjálfarar, leikmenn og aðrir þeir einstaklingar er koma að liðunum sýni ábyrgð og gæti sérstaklega að eigin sóttvörnum. Það er ekki sjálfgefið að íþróttaæfingar geti farið fram við þessar aðstæður, eins og íþróttahreyfingin þekkir orðið ansi vel. Við erum þess fullviss að íþróttahreyfingin muni standa undir þessum kröfum sem settar eru á hana og gæta vandlega að sínum sóttvörnum,“ segir í tilkynningu.

 Sóttvarnareglurnar má nálgast hér:

http://kki.is/library/Skrar/COVID-19_leidbeiningar_fyrir_HSI_og_KKI_09122020.pdf.

Líkar þetta

Fleiri fréttir