Átta greindust með veiruna í gær

Átta voru greindir með kórónuveiruna hér á landi í gær samkvæmt uppfærðum tölum á covid.is. Af þeim átta sem greindust voru þrír í sóttkví. Í dag eru 187 í einangrun á landinu vegna veirunnar og 716 manns í sóttkví. 41 er nú á sjúkrahúsi og þar af eru tveir á gjörgæslu. Nýgengi innanlandssmita er nú 38,5.

Á Vesturlandi eru nú þrír í einangrun vegna veirunnar; tveir á Akranesi og einn í Borgarnesi. Sex eru í sóttkví í landshlutanum, fjórir á Akranesi, einn í Ólafsvík og einn í Stykkishólmi.

Líkar þetta

Fleiri fréttir