Þjóðagarðsmiðstöð tekur brátt að rísa. Ljósm. þa

Framkvæmdir við þjóðgarðsmiðstöð og íbúðakjarna í Snæfellsbæ

Framkvæmdir við byggingu þjóðgarðsmiðstöðvarinnar á Hellissandi og íbúðakjarna fyrir fatlaða í Ólafsvík ganga vel. Húsheild er verktaki í báðum þessum stórframkvæmdum. Á Hellissandi hafa framkvæmdir gengið vel. Búið er að steypa sökkla og langt komið að keyra í grunninn og ætti á næstunni að vera hægt að undirbúa það að steypa plötu. Gert er ráð fyrir að framkvæmdirnar við verkið muni standa sem hæst næsta sumar og að með undirverktökum gætu á milli 25 og 35 manns verið að störfum á svæðinu.

Vinna við íbúðakjarnann í Ólafsvík gengur sömuleiðis vel. Þar er langt komið að steypa upp veggi hússins eins og sjá má á meðfylgjandi mynd. En íbúðakjarninn samanstendur af fimm einstaklingsíbúðum með sérinngangi ásamt starfsmannaaðstöðu og er heildarfermetrafjöldi bygginganna 440 fermetrar. Áætluð verklok í þessu verkefni eru 30. ágúst á næsta ári. Húsheild er verktaki í framkvæmdunum, Þorgeir ehf sér um steypuna og TS vélaleiga ehf fyllingarnir í grunnanna.

Byrjað er að steypa upp nýja íbúðakjarnann í Ólafsvík.

Líkar þetta

Fleiri fréttir