
Spakir ökumenn á akstri við leikskóla
Í síðustu viku var lögregla í ómerktum bíl við radarmælingar á Ketilsflöt nálægt leikskólanum Akrasel á Akranesi. Mælingin átti sér stað á háannatíma, á milli kl. hálf átta og hálf níu að morgni. 138 bílar óku framhjá og ók enginn svo hratt að refsing hlytist af. Sá sem hraðast ók var á 33 kílómetra hraða. Þetta er að sögn lögreglu afar góð hegðun ökumanna og þakkarverð.