Svandís Svavarsdóttir heilbrigðisráðherra.

Ótímabundin heimild til búnaðarkaupa fyrir fólk með sykursýki-1

Heilbrigðisráðherra hefur ákveðið að Sjúkratryggingum Íslands sé eftirleiðis heimilt að ákveða að innkaupaheimildir gildi ótímabundið fyrir einstaklinga með ævilangt sjúkdómsástand, eins og t.d. fyrir einstaklinga með sykursýki 1. Þessi heimild var aðeins gefin út með 5 – 10 ára gildistíma en nú er búið að breyta til hagræðis fyrir alla sem hlut eiga að máli. Reglugerðin hefur þegar tekið gildi. „Sykursýki 1 greinist aðallega hjá börnum og ungu fólki, einkennist af bráðum insúlínskorti og er ólæknandi. Þeir sem greinast með sjúkdóminn þurfa að fylgjast náið með blóðsykrinum, mæla hann reglulega og sprauta sig daglega með insúlíni alla ævi. Dæmi um nauðsynleg hjálpartæki vegna þessa eru blóðstrimlar, nálar og blóðhnífar. Til þessa hafa Sjúkratryggingar Íslands einungis getað samþykkt innkaupaheimildir vegna búnaðar sem þessa til tíu ára í senn, samkvæmt reglugerð um styrki vegna hjálpartækja, þrátt fyrir að sykursýki 1 sé ólæknandi sjúkdómur. Með reglugerðarbreytingu sem ráðherra hefur ákveðið verður unnt að veita heimildina ævilangt,“ segir í tilkynningu frá ráðuneytinu.

Líkar þetta

Fleiri fréttir

Gleðilegt sumar!

Skessuhorn óskar lesendum sínum, ungum sem gömlum, til sjávar og sveita, gleðilegs sumars.