Húsbygging í Stykkishólmi. Ljósm. úr safni/sá.

Hátt hlutfall fyrstu kaupenda íbúðarhúsnæðis á Vesturlandi

Á þriðja ársfjórðungi þessa árs voru 162 samningar gerðir um íbúðarhúsnæði á Vesturlandi. Af þeim voru 63 samningar þar sem fólk var að kaupa fasteign í fyrsta skipti, eða 39% viðskiptanna. Þetta er hæsta hlutfall fyrstu kaupenda á landinu á þessu tímabili, en í öðrum landshlutum er hlutfallið frá 22 og upp í 38%. Á höfuðborgarsvæðinu var hlutfall fyrstu kaupenda 32%.

Frá haustinu 2015 hefur Þjóðskrá Íslands birt upplýsingar um fjölda þeirra sem eru að kaupa sína fyrstu íbúð. Taldir eru þinglýstir kaupsamningar og afsöl um íbúðarhúsnæði án undangengins kaupsamnings og eignayfirlýsingar. Ekki eru taldar með eignatilfærslur byggðar á erfðum eða öðru slíku. Heimild til lægri stimpilgjalda vegna fyrstu kaupa hefur verið til staðar frá miðju ári 2008. Af þessum sökum eru engar þinglýstar upplýsingar um fyrstu kaup fyrir þann tíma. Rannsókn á því hvort um fyrstu kaup var að ræða fór fram við móttöku skjala til þinglýsingar hjá sýslumönnum.

Líkar þetta

Fleiri fréttir