medium

large

thumbnail

1536x1536

2048x2048

small

custom-size

Hafnarstjórinn sem hefði getað orðið prestur

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

core/freeform

Á fundi bæjarráðs Akraneskaupstaðar síðastliðinn fimmtudag var samþykkt að hafna tilboði Verkfars ehf. í húseignina Suðurgötu 108. Í bókun meirihluta bæjarráðs segir að tilboðið hafi ekki uppfyllt skilyrði útboðsins. „Suðurgata 108 er því áfram til sölu án sérstakra skilyrða um lágmarksfjárhæð og önnur atriði sem tilgreind voru á fundi bæjarráðs þann 29. október sl,“ segir í bókun meirihlutans. Elsa Lára Arnardóttir og Valgarður Lyngdal Jónsson áréttuðu í bókun sinni að við sölu fasteigna Akraneskaupstaðar gildi reglur um sölu eigna í eigu Akraneskaupstaðar og stofnana hans sem samþykktar voru 2014. Því til viðbótar vegna sölu þessarar tilteknu eignar gilda sérstakar kvaðir um viðhald, kauprétt og forkaupsrétt sbr. samþykkt bæjarráðs frá 14. maí 2020. Rakel Óskarsdóttir (D) lýsti sig andsnúna sölu hússins og lagði fram bókun: „Bæjarfulltrúi Sjálfstæðisflokksins áréttar fyrri afstöðu sína í málinu og er því mótfallin að húsið verði selt. Þykir bæjarfulltrúanum miður að ákvörðun um að rífa húsnæðið og úthluta lóðinni að nýju hafi verið snúið við af bæjarfulltrúum Samfylkingarinnar og Framsókn og frjálsum.“

Höfnuðu tilboði í húseign og bjóða áfram til sölu