medium

large

thumbnail

1536x1536

2048x2048

small

custom-size

Gleðilegt sumar!

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

Brúin komin á sinn stað yfir Berjadalsá

ÞB Borg reisir glæsihýsi í Stykkishólmi

Brást illa við afskiptum lögreglu

core/freeform

Guðrún Sigurjónsdóttir kúabóndi á Glitstöðum í Norðurárdal sendi á mánudaginn Kristjáni Þór Júlíussyni landbúnaðarráðherra bréf og formlegar fyrirspurnir í nokkrum liðum um þá stöðu sem upp er komin með viðskipti með greiðslumark mjólkur. Guðrún er afar ósátt við þá stöðu að búið sé að festa verð fyrir greiðslumark í þreföldu afurðastöðvaverði mjólkur, þ.e. 294 krónur á lítrann næstu þrjú árin. Bendir hún á ýmis rök í þá veru að of hátt verð fyrir greiðslumark geri rekstur búa óhagkvæman og stuðli ekki að hagræðingu. Fjallað var um málið í Skessuhorni 28. október síðastliðinn.

Guðrún bendir í bréfi sínu til ráðherra á að þessi ákvörðun hans sé þvert á það sem haldið hafi verið fram að fulltrúar bænda í Landssambandi kúabænda og Bændasamtökum Íslands hafi barist fyrir. Höfðu þeir lagt til að greiðslumarksverð yrði ekki sett hærra en tvöfalt það sem afurðastöðvar greiða fyrir mjólkina. „Nú liggur fyrir í svari LK og BÍ að þetta var gert til að varna því að verð á greiðslumarkaði yrði gefið frjálst og að það hafi verið vilji ríkisins að svo væri. Með því gengur ríkið þvert á vilja bænda og samþykktir aðalfundar Landssambands kúabænda 2019 en þar var samþykkt að hámarksverð yrði tvöfalt afurðastöðvarverð. Verslun með greiðslumark á háu verði stuðlar ekki að hagkvæmum rekstri og stórskaðar samkeppnishæfni greinarinnar, t.a.m. við þann innflutning sem þegar er farinn að hafa áhrif á sölu okkar mjólkurafurða,“ bendir Guðrún á.

Að því sögðu spyr Guðrún landsbúnaðarráðherra hvort það sé vilji hans að verð á greiðslumarki mjólkur sé frjálst? Í öðru lagi hvaða hag ríkið hafi af því að fara gegn vilja bænda og verðleggja greiðslumark langt umfram það sem eðlilegt er að greinin standi undir miðað við það samkeppnisumhverfi sem hún er í? Þá spyr hún hver rök ráðherrans séu fyrir því að hafa verðið svo miklum mun hærra en bændur hafa lagt til og bendir á að hátt verð skerði samkeppnishæfni greinarinnar. Í fjórða lagi spyr hún hvaða hagsmuni ráðherrann sé að verja og hver stefna hans varðandi verð á greiðslumarki sé, hvar hún hafi komið fram, hvort gerð hafi verið einhver greining á áhrifum greiðslumarksverðs á samkeppnishæfni greinarinnar og hversu háu verði á greiðslumarki ráðherrann telji að greinin rísi undir?

<em>Sjá bréf Guðrún til ráðherra í heild sinni hér:</em>

<a class="link-to-pdf" title="Bref Guðrúnar á Glitstöðum til ráðherra" href="https://skessuhorn.is/wp-content/uploads/2020/11/Bref-Guðrúnar-á-Glitstöðum-til-ráðherra.pdf" target="_blank" rel="attachment noopener wp-att-40460 noreferrer"><img class="alignnone size-medium wp-image-40461" src="https://skessuhorn.is/wp-content/uploads/2020/11/Bref-Guðrúnar-á-Glitstöðum-til-ráðherra-pdf-600x849.jpg" alt="thumbnail of Bref Guðrúnar á Glitstöðum til ráðherra" width="212" height="300" /></a>

Óskar að landbúnaðarráðherra svari spurningum um verð á greiðslumarki