Sýni tekið. Ljósm. úr safni/ kgk.

26 greindust með veiruna í gær

Alls greindust 26 innanlandssmit kórónuveirunnar í gær, skv. uppfærðum tölum á covid.is. Þar af voru tíu utan sóttkvíar við greiningu. Sex einstaklingar greindust á landamærunum og beðið er eftir niðurstöðu mótefnamælingar úr einni sýnatöku frá því fyrr í vikunni.

Í dag eru 72 á sjúkrahúsi með Covid-19, þar af þrír á gjörgæslu. 905 eru í einangrun vegna veirunnar og 2.023 í sóttkví á landsvísu. Nýgengi smita er nú 198 og lækkar frá því í gær þegar það var 202,3.

Á Vesturlandi eru nú 28 í einangrun en í gær voru 26 í einangrun í landshlutanum. Það fjölgar um einn á Akranesi og eru nú 23 í einangrun þar. Einnig bætist við einn í Borgarnesi og eru nú fjórir í einangrun þar og enn er einn í einangrun í Stykkishólmi.

Einnig fjölgar lítillega í sóttkví í landshlutanum og eru nú 160 í sóttkví en í gær voru það 152. Á Akranesi eru nú 150 í sóttkví, sjö í Borgarnesi, einn í Stykkishólmi og tveir í Búðardal.

Líkar þetta

Fleiri fréttir