medium

large

thumbnail

1536x1536

2048x2048

small

custom-size

Vel mætt á fund miðbæjarsamtakanna um Akratorg

Úthlutað úr Minningarsjóði Heimis Klemenzsonar

Skýlaus krafa um að leyfi til hvalveiða verði tafarlaust gefið út

KSÍ og Jóhannes Karl framlengja

Komu heim hlaðin verðlaunum af ÍM50 í sundi

Auglýsa störf nýliða í slökkviliðinu

core/freeform

Kaupfélag Skagfirðinga og dótturfyrirtæki þess í matvælaframleiðslu hafa ákveðið að gefa fólki í erfiðleikum matvöru, sem svarar til 40.000 máltíða, fram til jóla. Frá þessu var greint í Morgunblaðinu í dag. Vitnað er til Ásgerðar Jónu Flosadóttur formanns Fjölskylduhjálpar sem segir gjöfina algjöra himnasendingu fyrir bágstadda.

Í tilkynningu segir Þórólfur Gíslason kaupfélagsstjóri KS: „Þetta er viðleitni okkar til þess að aðstoða fólk sem á í tímabundnum erfiðleikum vegna kórónuveirunnar og afleiðinga hennar. Það kreppir víða að í þjóðfélaginu þessa dagana, en það á enginn að líða neyð vegna þess. Það er mikilvægt að við stöndum saman í þeirri baráttu.“ Matargjöfin sem um ræðir verður hágæta kjöt og fiskur, mjólkurvörur og fleira.

Ásgerður Jóna segir að þörfin fyrir aðstoð til bágstaddra sé gríðarlega mikil og aukist dag frá degi. „Þetta er stærsta matargjöf allra tíma og hún gæti ekki komið á betri tíma,“ segir Ásgerður Jóna í Morgunblaðinu og bætir við að þörfin hafi aldrei verið meiri, ekki einu sinni í hruninu.

Kaupfélag Skagfirðinga lætur gott af sér leiða