Göngufélagar Helgu Ólafar skála fyrir Helgu við opnun sýningarinnar. Ljósm. frg

Vökudagar byrjaðir á Akranesi

Vökudagar hófust á Akranesi í dag. Opnunaratriði menningarhátíðarinnar í ár er ljósmyndasýning Helgu Ólafar Oliversdóttur í gluggum Tónbergs. Nokkur fjöldi mætti við opnunina en þar voru á ferð göngufélagar Helgu. Skáluðu þeir í kaffi og kakói fyrir Helgu sem sjálf gat ekki verið viðstödd opnunina.

Helga Ólöf Oliversdóttir, sjúkraliði á Akranesi, sá það í byrjun Covid-faraldursins síðasta vor að veiran myndi hafa afgerandi áhrif á samskipti og daglegar venjur fólks. Í stað þess að hitta vini sína daglega, til dæmis í skipulögðum gönguferðum ákvað hún að fara í sjálfskipaða sóttkví. Því fer hún ein á hverjum morgni í gönguferð, tekur með sér kaffibolla og kaffi og stillir bollanum upp í náttúrunni – tekur mynd og varpar á Facebook síðu sína.

Myndirnar eru nú orðnar um 200 talsins, og verða til sýnis í gluggum Tónbergs – Tónlistarskólans á Akranesi á Vökudögum 2020. Þar geta gestir og gangandi notið þeirra í örygginu úti undir beru lofti.

Líkar þetta

Fleiri fréttir