Ljósm. af.

Góð aflabrögð í síðustu viku

Síðasta vika var góð hjá þeim bátum sem róa frá höfnum Snæfellsbæjar og veðurblíða með einsdæmum góð til sjósóknar. Mjög góð veiði gefur verið hjá smærri bátum sem róa með handfæri og hafa þeir komið með yfir tvö tonn að landi sem er mjög gott á þessum árstíma.

Nokkrir dragnótarbátar hafa verið að veiðum á Vestfjarðamiðum og gengið mjög vel hjá þeim þar. Nokkrir bátar hafa verið við veiðar á heimaslóð og er reytingur þar en þó hefur Egill SH komið með 12 tonn að landi eftir daginn.

Línu bátar hafa fengið ágætis afla og til dæmis kom Sverrir SH með 8 tonn að landi og uppistaða aflans hjá honum var þorskur, en ýsa hefur verið uppstaðan hjá öðrum línubátum.

Tilraunaveiðar með humargildrur á Ingu P SH hafa gengið ágætlega og mesti afli hefur verið 50 kíló af mjög góðum humri.

Líkar þetta

Fleiri fréttir