medium

thumbnail

small

custom-size

Úrslit í stærðfræðikeppni grunnskólanna á Vesturlandi

Hljóðhönnuðurinn Gulli Gunnarsson vinnur til BAFTA verðlauna

large

1536x1536

2048x2048

Hafnarstjórinn sem hefði getað orðið prestur

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

core/freeform

Íslendingar vilja áfram að Alþingi forgangsraði fjármunum til heilbrigðismála í kórónuveirufaraldrinum sem nú geisar. Þá eykst áhersla landsmanna á að ríkissjóður verji auknu fjármagni í almannatryggingar og velferðarmál, löggæslu og öryggismál. Yfirgnæfandi stuðningur er við að hið opinbera auki útgjöld fremur en að lækka skatta. Þetta er meðal niðurstaðna viðhorfskönnunar sem Gallup framkvæmdi fyrir þingflokk Pírata nú í september og október. Þingflokkurinn lætur framkvæma könnunina árlega til að draga fram hvernig Íslendingar vilja að Alþingi forgangsraði fjármunum í fjárlögum og um leið sjá hvernig áherslur landsmanna breytast á milli ára.

<strong>Samneysla frekar en skattalækkanir</strong>

Eftir sem áður sýnir könnunin að Íslendingar vilja aukin framlög til heilbrigðismála. Alls töldu 43% aðspurðra mikilvægast að Alþingi forgangsraðaði í þágu þess málaflokks og lækkar hlutfallið um þrjú prósentustig milli ára. Þar á eftir töldu 11% svarenda að mikilvægast væri að lækka tekjuskatt einstaklinga og auka framlög til almannatrygginga og velferðarmála. Stuðningur við síðarnefnda málaflokkinn eykst nokkuð á milli ára eða alls um þrjú prósentustig.

Þegar svör aðspurðra eru tekin saman má sjá að heilbrigðismál eru efst í forgangsröðun landsmanna, því næst mennta- og fræðslumál og síðan almannatryggingar og velferðarmál. „Ljóst er af svörunum að aukin samneysla skiptir Íslendinga meira máli en skattalækkanir. Þannig er næstum þrefalt meiri stuðningur við aukin útgjöld til heilbrigðismála en að lækka tekjuskatt einstaklinga og fimmfalt meiri þegar litið er til lækkun virðisaukaskatts. Neðst í forgangsröðun Íslendinga eru lækkun auðlindagjalda og aukin framlög til sjávarútvegsmála og kirkjunnar,“ segir í tilkynningu frá þingflokki Pírata.

Landsmenn leggja áherslu á aukna velferð umfram skattalækkanir