medium

large

thumbnail

1536x1536

2048x2048

small

custom-size

Grímutölt Borgfirðings fór fram á laugardaginn

Viktor með þrennu í stórsigri Skagamanna

Nýtt póstbox tekið í notkun í Búðardal

Borgfirðingabók komin á Storytel

Hvalfjörður – efnaverksmiðja í bígerð

Úrslit í stærðfræðikeppni grunnskólanna á Vesturlandi

core/freeform

Dómnefnd hefur nú valið og kynnt vinningstillögu í samkeppni um útsýnisstað á Súgandisey við Stykkishólm. Vinningstillagan var unnin af Glámu-Kím og Landslagi í samstarfi við Ólöfu Nordal og Gunnar Karlsson. Tillagan er óhefðbundin útsýnisstaður sem ber heitið Fjöregg. Fjöreggið er útsýnisskúlptúr, útsýnispallur, upplifunar- og áningarstaður allt í senn. Fjöreggið verður sýnilegt frá bænum og því forvitnilegt aðdráttarafl fyrir gesti og gangandi.

„Fyrst og fremst er Fjöregg hugsað sem kennileiti fyrir Stykkishólm og sem glettinn, gamansamur og óvæntur áningarstaður til að njóta Súgandiseyjar og útsýnisins yfir Breiðafjörð og eyjarnar,“ segir í greinagerð um verkið. Keppnin var haldin í samstarfi við Félag íslenskra landslagsarkitekta (FÍLA) og óskuðu 22 hönnunarteymi eftir því að taka þátt í samkeppninni og voru fjögur teymi dregin út til að taka þátt í keppninni.

Í áliti dómnefndar kemur fram að helstu markmið keppninar hafi verið, auk þess að efla öryggi á vinsælum útsýnisstað, að ýta undir náttúruupplifun og auka enn frekar aðdráttarafl Stykkishólms sem eftirsóknarverðs ferðamannastaðar á Snæfellsnesi. Samkeppnin tókst vel að mati dómnefndar og skilaði mjög metnaðarfullum og faglegum tillögum. Dómnefnd lagði áherslu á að velja tillögu sem uppfyllti flest þau skilyrði sem lagt var upp með, en auk þess var reynt að leggja mat á kostnaðarrammann sem gefinn var upp í forsögn.

Dómnefnd var sammála um að tillagan sem valin var í verðlaunasætið og skar sig úr með nýstárlegri nálgun, hefði auk þess ýmsar áhugaverðar skírskotanir í menningu og náttúru svæðisins. Dómnefndina skipuðu Jakob Björgvin Jakobsson, bæjarstjóri Stykkishólmsbæjar, og Ásmundur Þrastarson, verkfræðingur, fyrir hönd Stykkishólmsbæjar og Dagný Bjarnadóttir, landslagsarkitekt fulltrúi FÍLA. Ritari dómnefndar var Sigurbjartur Loftsson, trúnaðarmaður dómnefndar var Ólafur Melsted, frá FÍLA. Dómnefnd fékk tillögurnar afhentar nafnlausar og var ekki tilkynnt um hver ætti hvaða tillögu fyrr en eftir að búið var að velja vinningstillögu.

Í greinagerð vinningstillögunnar kemur fram að við hönnun hafi verið leitast við að finna jafnvægi á milli þess náttúrulega og manngerða, þar sem varfærni, virðing og auðmýkt gagnvart staðnum voru leiðarstef í hugmyndavinnu og lausn verkefnisins. „Markmiðið var að hrófla við sem minnstu og bæta við sem fæstu. Þannig er notað efni sem fyrir er í eynni, bæði huglægt og efnislega. Unnið með formgerð svæðisins, liti og tákn og vísanir í gamlar sagnir og trú.“

<img class="alignnone size-medium wp-image-39976" src="https://skessuhorn.is/wp-content/uploads/2020/10/Fjöregg-hlutskarpast-um-hönnun-útsýnisstaðar-á-Súgandisey_2.jpg" alt="" /> <img class="alignnone size-medium wp-image-39977" src="https://skessuhorn.is/wp-content/uploads/2020/10/Fjöregg-hlutskarpast-um-hönnun-útsýnisstaðar-á-Súgandisey_3-600x450.jpg" alt="" /> <img class="alignnone size-medium wp-image-39978" src="https://skessuhorn.is/wp-content/uploads/2020/10/Fjöregg-hlutskarpast-um-hönnun-útsýnisstaðar-á-Súgandisey_4-600x450.jpg" alt="" />

Fjöregg hlutskarpast um hönnun útsýnisstaðar á Súgandisey