Ostóber er tími til að njóta osta

„Nú er runninn upp október mánuður en þriðja árið í röð heldur Mjólkursamsalan mánuðinn hátíðlegan undir yfirskriftinni „Ostóber – tími til að njóta osta“. Ostóber er tími til að fagna gæðum og fjölbreytileika í íslenskri ostagerð og með þessu framtaki vill MS hvetja landsmenn til að smakka nýja osta, prófa sig áfram með ostana í matargerð og borða sína uppáhaldsosta. Nú þegar skammdegið er skollið á hvað er betra en að hafa það huggulegt heima, kveikja á kertum og gæða sér á íslensku ostagóðgæti,“ segir í tilkynningu frá MS.

Á uppskriftasíðunni gottimatinn.is er að finna mikið af uppskriftum þar sem íslenskir ostar koma við sögu og ber þar hæst að nefna uppskriftir með Óðalsostum, Dalaostum, rjómaostum og rifnum ostum, en nýverið bættust í safnið uppskriftir sem innihalda Goðdala ostana Feyki, Gretti og Reyki sem eru sælkeraostar úr Skagafirði.

„Í tilefni af Ostóber koma nokkrir nýir ostar á markað og verða þeir í boði í takmörkuðu magni nú í október. Þeirra á meðal eru Búri með sinnepsfræjum og kúmeni auk Tinds sem geymdur hefur verið lengur en venjulega eða í 12 mánuði,“ segir í tilkynningunni.

Líkar þetta

Fleiri fréttir