Banaslys í umferðinni í nótt

Karlmaður á sextugsaldri lést eftir að bifreið sem hann var í hafnaði utan vegar við Heydalsveg á Snæfellsnesi í nótt. Lögreglan á Vesturlandi tilkynnir um slysið á facebook síðu sinni og segir það hafa orðið á öðrum tímanum í nótt. Tvennt var í bílnum sem hafnaði ofan í á. Tókst vegfarendum sem komu að slysstað að ná manninum og konu sem einnig var í bifreiðinni, út úr bifreiðinni. Endurlífgunartilraunir á manninum báru ekki árangur. Konan var að sögn lögreglu orðin mjög köld en með meðvitund og líklega óslösuð. Var hún flutt með sjúkrabifreið á sjúkrahúsið á Akranesi til aðhlynningar.

Lögreglan á Vesturlandi rannsakar slysið og naut aðstoðar tæknideildar lögreglunnar á höfuðborgarsvæðinu við vettvangsrannsókn. Fulltrúi rannsóknarnefndar samgönguslysa kom einnig á vettvang.

Líkar þetta

Fleiri fréttir