medium

large

thumbnail

1536x1536

small

custom-size

Skallagrímur úr leik eftir tap gegn Þór

Stefán Bjarki Akranesmeistari í pílu 2024

2048x2048

Vegaskemmdir eftir asahláku á laugardaginn

Fengu gull á vorbikarmótaröð í hnefaleikum

Lúðrasveit lék fyrir Borgnesinga

Skagamenn í öðru sæti eftir stórsigur á Fylki

core/freeform

Póst- og fjarskiptastofnun hefur staðfest að 1. október næstkomandi mun Síminn hf. hefja lokun á PSTN kerfinu í fyrsta áfanga. Um er að ræða gamla rásaskipta talsímakerfið sem þjónað hefur landsmönnum síðastliðna áratugi. Notendur tengjast með koparþræði og nær kerfið til yfir 99% heimila í landinu. Í einstaka tilfellum eru heimili ekki með tengingu, svo sem ljósleiðara eða stutta koparheimtaug, sem getur borið stafræna símaþjónustu eða nothæfa internetþjónustu. Í þeim tilvikum þarf að tryggja slíka tengingu, t.d. yfir örbylgju, gervihnött eða með því að gera ráðstafanir til að móttaka og magna farsímamerki, ef þess hefur verið kostur. Neyðarlínan ohf. fær nú það hlutverk að verða eftirleiðis alþjónustuveitandi fjarskiptatenginga.

„Við lokun Símans hf. á talsímakerfinu, sökum aldurs og ástands þess, er fyrirséð að nokkur heimili muni bætast við þann hóp heimila sem gera þurfi sérstakar ráðstafanir til að koma upp fjarskiptasambandi við. Tekið skal fram að samkvæmt spálíkönum Símans hf., sem Póst- og fjarskiptastofnun hefur prófað, að þá eru ekki fyrirséð að nein lögheimili og/eða vinnustaðir með heilsárs atvinnustarfsemi missi allt fjarskiptasamband við lokun talsímakerfisins í þessum fyrsta áfanga. Til að bregðast við þeirri stöðu sem framundan er hefur Póst- og fjarskiptastofnun (PFS) ákveðið að útnefna Neyðarlínuna ohf. sem alþjónustuveitanda fjarskiptatenginga fyrir síma- og internetþjónustu í þessum sérstöku tilvikum. Verður hlutverk Neyðarlínunnar að hafa umsjón með að slíkar tengingar verði settar upp ef þörf er á og að slíkt verði gert í samstarfi við önnur fjarskiptafyrirtæki eftir því sem kostur er,“ segir í tilkynningu frá Póst- og fjarskiptastofnun.

Neyðarlínan tekur við fjarskiptatengingum í sérstökum tilfellum