medium

large

thumbnail

1536x1536

2048x2048

small

custom-size

Íbúðir á Sementsreit vel á veg komnar

Landaður afli einungis 60 þúsund tonn í mars

Halda Sambandsþing Norræna félagsins á Akranesi næstkomandi laugardag

Lánveitingar Byggðastofnunar halda áfram að skapa störf

ÍA og Tindastóll mætast í Mjólkurbikarnum

Þungatakmarkanir taka gildi á fimmtudaginn

core/freeform

Alþýðusamband Íslands og aðildarfélög þess telja ekki tilefni til að segja upp kjarasamningum á þessum tímapunkti. Í tilkynningu frá ASÍ segir að lífskjarasamningarnir sem undirritaðir voru 4. apríl 2019 hvíli á þremur forsendum, þ.e. að kaupmáttur hafi aukist á samningstímanum, að vextir hafi lækkað fram að endurskoðun samningsins og að stjórnvöld hafi staðið við gefin fyrirheit samkvæmt yfirlýsingum ríkisstjórnarinnar sem gefnar voru í tengslum við samningana.

Það sem af er samningstímanum hefur kaupmáttur launa aukist um 4,8% og að mati forystu ASÍ hefur því forsenda um aukinn kaupmátt launa staðist. Stýrivextir hafa lækkað úr 4,5% í 1%, eða um 3 prósentustig, það sem af er samningstímanum og forsenda um lækkun vaxta hefur því sömuleiðis staðist. Loks segir í samantekt ASÍ að tímasett loforð stjórnvalda hafi staðist utan ákvæðis um bann við 40 ára verðtryggðum lánum. „Frumvarp sem tekur á því máli verður hins vegar lagt fram á komandi haustþingi og er það mat ASÍ að framlagning þess á næstu vikum feli í sér efndir á þeim lið yfirlýsingar ríkisstjórnarinnar frá apríl 2019,“ segir í tilkynningu ASÍ.

„Verkalýðshreyfingin hefur boðið frið á vinnumarkaði og fyrirsjáanleika. Með því sýnum við ábyrgð á erfiðum tímum. Eitt vafaatriði stóð út af en það er verðtryggingamálin, en við höfum fullvissu fyrir því að frumvarp verði lagt fram á haustþingi. Því teljum við ekki tilefni til að lýsa yfir forsendubresti vegna þess,“ segir Drífa Snædal, forseti ASÍ.

ASÍ telur að forsendur lífskjarasamninga hafi staðist