medium

large

thumbnail

1536x1536

small

custom-size

Kálfafjós í byggingu á Litla Kroppi

Þema ljósmyndasamkeppni er gleði

2048x2048

Bæjarsjóður Akraneskaupstaðar gerður upp með 319 milljóna króna hagnaði

Gleðilegt sumar!

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

core/freeform

Búið er að staðfesta smit af Covid-19 hjá sjö íbúum í Stykkishólmi. Eru þeir allir í einangrun, þar af einn í Reykjavík. Allir þessir einstaklingar tengjast og hafa umgengist hóp af fólki. Alls voru 18 einstaklingar í sóttkví í Stykkishólmi í fyrradag, en hluti þeirra hefur nú þegar útskrifast úr henni. Í ljósi fjölgunar smita í Stykkishólmi er hins vegar búist við að töluvert fjölgi í þeim hópi sem nú þarf að fara í sóttkví. Aukin skimun er í undirbúningi í Stykkishólmi, að því er fram kemur í tilkynningu frá Stykkishólmsbæ. Á Vesturlandi eru nú alls ellefu staðfest smit og í einangrun.

Ákveðið hefur verið í Stykkishólmi að taka upp tímabundnar ráðstafanir meðan óvissa ríkir og í ljósi aðstæðna í samfélaginu. Mun starfsemi stofnana Stykkishólmsbæjar færast nær því sem var í vor þegar faraldurinn var í meiri útbreiðslu, a.m.k. fram að helgi á meðan smitrakningarteymi vinnur að því að ná sambandi við þá einstaklinga sem sæta þurfa sóttkví og niðurstöður skimana liggja fyrir.

Grunnskólinn í Stykkishólmi tekur, frá og með deginum í dag, upp hólfaskiptingu líkt og gert var í vor. Nemendur í 1. -7. bekk koma með hádegismat að heiman. Skólahald mun hefjast kl. 10:00 þar sem töluverðar tilfæringar þurfa að eiga sér stað innan stofnunarinnar.

Leikskólinn í Stykkishólmi tekur einnig upp hólfaskiptingu frá og með deginum í dag, en starfstími leikskóla helst óbreyttur.

Tónlistaskóli Stykkishólms - Nám fyrir börn á grunnskólaaldri helst óbreytt en tekin verður upp fjarkennsla fyrir eldri nemendur.

Dvalarheimili aldraðra hefur tímabundið lokað fyrir heimsóknir en það á einnig við um búseturéttaríbúðir.

Íþróttamiðstöð/sundlaug Stykkishólmsbæjar – Aukin áhersla á sóttvarnir, en ekki hefur á þessari stundu verið tekin ákvörðun um frekari aðgerðir.

Amtsbókasafn Stykkishólms – Aukin áhersla á sóttvarnir. Aðalinngangur lokaður, en gengið inn að aftan.

Ráðhús Stykkishólmsbæjar og aðrar stofnanir loka tímabundið fyrir gestum.

Félagsmiðstöðin Xið - Starfsemi félagsmiðstöðvarinnar leggst af fram yfir helgi.

Í ljósi aðstæðna er fólk hvatt til að hafa hægt um sig, fylgjast grannt með þróun mála og forðast eins og hægt er að koma saman að óþörfu. Fólk sem tekið hefur þátt í stórum samkomum, s.s. á borð við réttir og annað, er hvatt til að fara sérstaklega varlega og herða sínar persónubundnu sóttvarnir, segir í tilkynningu frá Stykkishólmsbæ.

Hópsýking í Stykkishólmi